روزنامہ جمہورستان | تازہ ترین پاکستانی خبریں اور سیاسی تجزی
ست، معاشرت اور دنیا بھر کی تازہ ترین اور مصدقہ خبریں۔ رہیے ہر لمحہ باخبر ہماری سچی اور بروقت رپورٹنگ کے ساتھ۔
October 17, 2026
ایک صحافتی سفر، جو خدمتِ عوام سے عبارت ہے
روزنامہ جمہورستان ساہیوال لاہور ایک قدیم، معتبر اور عوام دوست صحافتی ادارہ ہے، جس کی بنیاد جناب غلام محمد کھرل نے رکھی۔ یہ ادارہ اپنی صحافتی روایات، عوامی خدمت اور حقائق کی ترجمانی کے عزم کے ساتھ کئی دہائیوں سے اپنی خدمات انجام دے رہا ہے۔
ایک صحافتی سفر، جو خدمتِ عوام سے عبارت ہے
روزنامہ جمہورستان ساہیوال لاہور ایک قدیم، معتبر اور عوام دوست صحافتی ادارہ ہے، جس کی بنیاد جناب غلام محمد کھرل نے رکھی۔ یہ ادارہ اپنی صحافتی روایات، عوامی خدمت اور حقائق کی ترجمانی کے عزم کے ساتھ کئی دہائیوں سے اپنی خدمات انجام دے رہا ہے۔
خاندانی پس منظر اور صحافتی روایت
روزنامہ جمہورستان کے بانی جناب غلام محمد کھرل ولد احمد دین کھرل کا تعلق چک موہلیانوالا (ضلع فیصل آباد) سے تھا۔ ان کے والد محترم احمد دین کھرل علاقے کے معروف نمبردار، نہایت نیک دل اور دین دار شخصیت تھے۔ وہ دینی کتب کی اشاعت کا شوق رکھتے تھے؛ ان کے صاحبزادے (غلام رسول، غلام محمد اور غلام علی) خود دینی کتب کی کتابت کرتے اور سائیکل پر فیصل آباد سے لاہور جا کر انہیں شائع کرواتے اور گردونواح میں تقسیم کرتے تھے۔ احمد دین کھرل کی پوری زندگی نیکی، اصول پسندی اور اعلیٰ معاشرتی اقدار کی ایک روشن مثال تھی۔
جمہورستان — ایک ورثہ، ایک ذمہ داری
رائے پرویز احمد کھرل کی وفات کے بعد رائے نوید احمد کھرل نے روزنامہ جمہورستان کو اپنے والد غلام محمد کھرل اور دادا احمد دین کھرل کی یادگار اور صحافتی ورثہ سمجھتے ہوئے اسے مزید آگے بڑھانے کا عزم کیا۔
ان کی کوششوں سے روزنامہ جمہورستان نے جدید دور کے تقاضوں کے مطابق اپنی صحافتی سرگرمیوں کو وسعت دی اور حکومتی، سیاسی، سماجی اور ترقیاتی امور کو بھی اپنی کوریج کا حصہ بنایا۔
آج اخبار میں حکومتی اقدامات، ترقیاتی منصوبوں، عوامی مسائل، ملکی و قومی خبریں، سیاسی سرگرمیاں، اہم شخصیات کے حوالے سے مضامین اور مختلف شعبہ ہائے زندگی سے متعلق خبریں و کالمز شائع کیے جاتے ہیں۔
ساہیوال سے لاہور تک
روزنامہ جمہورستان نے اپنے سفر کا آغاز ساہیوال سے کیا، لیکن وقت کے ساتھ اس کی صحافتی سرگرمیوں کا دائرہ وسیع ہوتا گیا۔
آج روزنامہ جمہورستان ساہیوال اور لاہور سے بھی شائع ہو رہا ہے اور پنجاب کے مختلف علاقوں میں اپنی صحافتی خدمات انجام دے رہا ہے۔ ادارہ عوامی مسائل، اہم خبریں اور معاشرتی معاملات کو نمایاں کرنے کے ساتھ ساتھ اشتہارات اور معلوماتی مواد کی اشاعت کے ذریعے بھی اپنے قارئین اور مختلف اداروں سے رابطے میں ہے۔
ہمارا مشن
روزنامہ جمہورستان کا مشن اپنے بزرگوں کی قائم کردہ صحافتی روایات کو زندہ رکھتے ہوئے سچ، ذمہ داری، عوامی خدمت اور مثبت صحافت کو فروغ دینا ہے۔
ہم سمجھتے ہیں کہ ایک اخبار صرف خبریں شائع کرنے کا ذریعہ نہیں بلکہ عوام کی آواز، معاشرے کا آئینہ اور مسائل کے حل کے لیے ایک مؤثر ذریعہ بھی ہے۔
اسی سوچ کے ساتھ جمہورستان ہر طبقے، ہر برادری اور معاشرے کے مختلف شعبوں کی آواز کو اہمیت دیتا ہے اور عوامی مسائل کو متعلقہ اداروں اور انتظامیہ تک پہنچانے کے لیے اپنا کردار ادا کرتا رہے گا۔
ہمارا عزم
“سچ کی آواز — عوام کی ترجمانی”
روزنامہ جمہورستان ساہیوال لاہور
1960ء سے صحافت، عوامی خدمت اور حقائق کی ترجمانی کا سفر جاری ہے۔